Niwedan hai {{ personName }}

…ego sanesa djaun aap khodjat rahiele!

Ie panna par aap djiewan ke bahut wises sawaal ke djawaab miele hai. Sawaal djaise: "Hamaar jodjna ie dhartie par kaa hai?" "Kaaheke aisan lage hai kie u shaantie hamre me naa hai djaun dusar log me dekha hai?" Kieto: "Djiewan me kaa ehie sab kutjh hai?" Ie panna par iesab sawaal ke djawaab aur bahut baat siekhe ke miele hai. Aap saait naa djaane hai, bakie aap aapan Parmeswar, djaun aapke djiewan deis hai; Ose alge hoi gaile hai. Aap aapan prakritie ke kaaren, Parmeswar se alge hoi gaile hai. Hamlogke sanesa ego aasha ke sanesa hai, kaahese Parmeswar aap se prem kare hai. Parmeswar ke aasha hai kie aap Ose phierse ek hoi djaa. Parmeswar Aapan lage laute ke rastaa, aapke dekhaawe hai. Djaun upaai Parmeswar aapke dewe hai, aapke sahaaita karie kie aap sadaa ke khaat Ose alge naa rahieje.

Kaa aap u upaai maange hai djaane aur adjmaawe?

Kaa aap:

• aapan djiewan ke jodjna maange hai djaane?
• shaantie aur kaljaan aapan djiewan me maange hai dekhe, djaun maafie ke saath miele hai? Aur u bhie tjaahe djauntjie pahle aapke djiewan me bhail hai?
• aapan khaat maange hai djaane kie hamlogke ie sansaar me, djiewan se auro djaada kutjh hai? Aur u swarg ke sadaa ke djiewan ke djaankaarie maange hai?

Parmeswar ke pjaar ke kaaren ie sansaar ke iensaan ke khaat djaise aap {{ personName }} aur hamke sahara mielal hai. U sahara se hamlog aadj Parmeswar se ek hoi gailie hai aur Okar prem aur shaantie ke djaan sakiela. Parmeswar ke iettjha hai kie aapke djiewan, tjaahe sankat ke dien me bhie, hardam shaantie aur khusiaalie se bharal rahe.

Parmeswar ke jodjna ke djaano: Shaantie aur djiewan

Parmeswar ke jodjna hai kie aapke ie sansaar me bahutaajat ke djiewan rahe aur u bhie ehie samai me. Bakie kaun kaaren se bahut manai, u bahutaajat ke djiewan ke faaida naa dekhe hai? Johannes ke khus khabar 10:10

Musibat: Parmeswar aur {{ personName }} ke biettje me batwaara hai.

Paap ke kaaren, aapke aur Parmeswar ke biettje me batwaara bhail hai. ' Dekh, Prabhu ke haanth otna tjhota naa hai kie naa batjaai sakie. Prabhu ke kaan behra naa hai, kie U naa sun sakie. Bakie tulogke adharm ke kaam, tulogke aur Parmeswar ke bietjje me batwaara kharaa karies hai. Tulogke paap ke kaaren Prabhu Aapan tjehra tulogse tjiepaais hai, djeme U tulogke naa sune'. Jesaja ke pustak 59:1-2 {{ personName }}, aap paap ke prakritie me paida bhaile hai. U paapie prakritie Adam se pierhie se pierhie talak tjalle aail hai. Oisane aap bhie aapan iettjha ke mutabiek kare hai aur paap me bhie saamiel hoi gaile hai. Ohie kaaren se aadj aapke aur Parmeswar ke biettje me batwaara hoi gail hai. Parmeswar bharpur hai aur aap nadaan baate.

Parmeswar iensaan ke Apne rup me banaais reha, djeme hamlog Okar sanghe aapan djiewan bietaai sakie, Okar wandana karie aur Okar sanghe dostie ke naata me rahie. Parmeswar hamlog khaat ego bahut sundar sansaar banaais reha, djeme hamlog Okar sab banaawal wastu ke anand se madja lei sakie. Parmeswar hamlogke mauka deis reha, djeme hamlog aapan djiewan asierbaad aur kalijaan me bietaai sakie.

{{ personName }}, Parmeswar iensaan ke manai ghat kamaai waala masien ghat naa banaais hai. Bakie U iensaan ke Aapan rup banaais hai. Iensaan aapan iettjha ke mutabiek kar sake hai; oisan djiewan iensaan ke mielal hai. Ab hamlog aapan iettjha ke mutabiek, apnese faisala kar sakiela Parmewar se prem kareke aur Okar baat maaneke aur sab kutjh djaun Okar den hai, usabke faida uthaaweke. Bakie iensaan ke ohie aapan iettjha hamlogke bhie siekhaais hai Parmeswar ke baat naa maaneke aur Ose prem naa kareke. Sattja dostie aur prem djaane khaat, iensaan ke aapan iettjha mielal hai. Dostie aur prem me djabardjastie naa hai, djaise hamlog ego masien djabardjastie se tjalaai sakiela. Hamlog ke hak hai apnese tjuneke.

Pahla iensaan djaunke Parmeswar djiewan deis reha, u aapan man waala karies. Aapan man waala kare kieto Parmeswar ke baat naa maane ke matlab paap hai. Paap ke matlab hai; alge hoi djaai, kaahese Parmeswar kutjh barhia hamlogke khaat bietjaaries hai. Paap ke phal naa khalie pahla admie Adam aur pahla aurat Eva khaat hai, bakie sab koi khaat. Kaahese paapie prakritie sab manai me basal hai.

Bijbel me liekhal hai kie:

Aise hai kie ek admie dwaara paap ie sansaar me aail hai aur paap ke kaaren maut. Aur maut paap ke kaaren sab koi khaat aail, kaahese u ego admie ke kaaren sab manai paap karies hai.

Aur ketne auro upaai hai. Bakie aisan koi ekko upaai naa hai djaun ke sahara se hamlog u batwaara dur kar sakak hoi. Kaahese Parmeswar pawitr aur bharpur hai. Hamlog oisan naa baatie aur naahie koi karma se oise hoi sakab. Hamlog aapan paap naa mietaai sakiela aur naahie hamlog aapan paapie prakritie badal sakiela.

Bijbel ke Roma ke tjietthie 3:23 me liekhal hai kie: ' Sab manai paapie hai aur Parmeswar ke mahaanta ekko iensaan ke djiewan me naa dekha hai'.

Bijbel ke Roma ke tjietthie 6:23 me liekhal hai kie: ' Paap ke madjurie hamlogke maut ke rastaa par pahuntjaawe hai, bakie Parmeswar, Prabhu Jieshu Masieh dwaara bhalaai karke hamlogke sadaa ke khaat, nawaa djiewan apane sanghe dewe hai'.

Ie musibat ke khalie ekke upaai hai!

Parmeswar ke upaai: Jieshu Masieh

Jieshu Masieh

Parmeswar djaanat reha kie u batwaara djaun hamlogke Ose alge karies hai, kaun upaai se dur karie. U upaai ke matlab hai kie Parmeswar, iensaan ke rup me hamlogke lage Apne aawat, Aapan Betwa Jieshu Masieh dwaara. Aur Jieshu ohie karat, djaun dusar koi naa kar paawat. U Aapan djiewan sansaar me ekdam bharpur aur biena paap se bietaais. Ohie Parmeswar ke iettjha reha kie U Aapan djiewan hamlogke sadja ke kaaren balidaan karat. Hamlogke maut ke sadja mileke tjaahat reha.

Dusar log ke sanghe ohie bietjaar-dhaara se raho, djaun Jieshu Masieh me hai:

Djaise Jieshu Masieh ke man hai, oisane tulogke man bhie tjaahie raheke. U tjaahe Parmeswar reha, tabbo U Aapan mahaanta naa pakarke baithal reha, bakie tjhor deis aur gulaam banke, iensaan ke djanam leis. Tab U Apane ke niettje karke Parmeswar ke baat maut talak maanat gail, tjhaahe Oke u kaaren se krus par mare ke paral'. Filiepie ke tjietthie 2:5-8

Bijbel me liekhal hai kie:

Tabbo Masieh hamlog khaatien aapan djaan deis hai djab hamlog paapie ghat aapan djiewan bietaawat rahilie. Aisane Parmeswar dekhaais kie U ketna hamlogse pjaar kare hai'. Roma ke tjietthie 5:8

Bijbel ke Johannes ke khus khabar 14:6 me Jieshu Masieh bolies kie: ' Hamahie rastaa, sattjaai aur djiewan baatie. Hamaar biena koina Pita Parmeswar ke paas djaai sake hai.'

Aakhier Parmeswar Apne ego upaai laais. Parmeswar iensaan ke rup me, Jieshu Masieh dwaara u batwaara, Parmesar aur iensaan ke biettje mese dur karies. Ohie kaaren se U ie sansaar me aail aur hamlogke sadja Apne uppar leike, bahut berahmie se Aapan djaan krus par balidaan karies. Aise kare se Jieshu u batwaara djaun Parmeswar aur iensaan ke biettje me hai, dur karies.

Bijbel me liekhal hai kie:

Masieh hamlog khaatien aapan djaan deis hai djab hamlog paapie ghat aapan djiewan bietaawat rahilie. Aisane Parmeswar dekhaais kie U ketna hamlogse pjaar kare hai'. Roma ke tjietthie 5:8

Kutjh baat u biese me:

Johannes ke khus khabar 14:6 me Jieshu Masieh bolies kie: ' Hamahie rastaa, sattjaai aur djiewan baatie. Hamaar biena koina Pita Parmeswar ke paas djaai sake hai.'

Jieshu Masieh

{{ personName }}, djaise aap ab talak dekhe hai, tab ie sansaar me, sab koi paap ke kaaren Parmeswar se dur paida bhail hai. {{ personName }}, aap aur sab koi kasurwaar baate aur sadja ke niettje baate djaun sadaa khaat rahiega. Parmeswar naato aapke khaat aur naahie koi dusre khaat aise maange hai. Parmeswar djieradj se agore hai aur naa maange hai kie koi u sadaa ke sadja ke niettje rahe, bakie Okar iettjha hai kie sab koi aapan-aapan paap se pastaawa kare aur sadaa ke djiewan paawe. Djab aap kutjh naa karieje, tab aap Parmeswar se dur rahieje. Parmeswar Aapan haanth aapke oor barhaawe hai aur aap Djiewan ke tjun sake hai. Parmeswar aapke mauka dewe hai, satj-mutj me Okar santaan baneke aur U aapke Pita. Aap Parmeswar se ek naa hoi sake hai aur aapke paap ke tjhamma naa miel sake hai aapke dharmiekhta karma ke kaaren, djaise kie baptisma kieto dharmiek gawaahie, aur naahie aapke dharmiek nijam aur barhia karma ke kaaren. Djaun manai Jieshu ke tjune hai, u Parmeswar ke tjune hai. Ohie hai bieswaas, djaun Parmeswar ke dajaa ke kaaren iensaan ke dewal gail hai. Eke tjhorke aisan koi auro barhia aur barka kaam naa hai djaun aap kar sake hai. Aap khalie Jieshu ke aapan tjhutkaara dewe waala ghat apnaawe se, Parmeswar ke santaan ban sake hai.

Bijbel me liekhal hai kie:

Bakie djaun manai bieswaas karke Oke apnaai leis hai, U ohielogke hak deis hai Parmeswar ke larkan howe khaatien. Johannes ke khus khabar 1:12

Bijbel me liekhal hai kie Parmeswar ke watjan par bieswaas karese tjhutkaara miele hai. Bieswaas u sattjaai par, kie Jieshu Masieh ke hai aur U kauntjie Aapan djiewan dwaara aur maut aur maut mese djienda hoike, hamlogke khaat karies hai.

Bijbel me liekhal hai kie:

Djab tu aapan muh se bolieje kie Jieshu Prabhu hai aur aapan hierdai me bieswaas karieje kie Parmeswar Oke maut mese djie uthaais hai, tab aapke tjhutkaara mieliga. Dje aapan hierdai se Parmeswar ke khus khabar Masieh ke biese me bieswaas kare hai, u be-kasur hoike Ose ek hoi djaaiga.' Roma ke tjiethhie 10:9-10

Djab aap ie kaam karieje, tab aap aapan paap ke tjhamma paije. Ab aap bieswaas ke kaaren be-kasur baate aur Jieshu Masieh ke dwaara, aapke aur Parmeswar ke biettje me shaantie hai. Ehie ke 'bieswaas' bolal djaa hai aur u bieswaas ke matlab hai 'Jieshu par bieswaas karo'. {{ personName }}, ie bieswaas aapke apne tjaahie kareke aur Okar watjan apnaaweke. Matlab: Jieshu ke aapan hierdai aur djiewan me, aapan Prabhu aur tjhutkaara dewe waala ghat maano.

Bijbel me liekhal hai kie:

Bakie djaun manai bieswaas karke Oke apnaai leis hai, U ohielog ke hak deis hai Parmeswar ke larkan howe khaatien. Johannes ke khus khabar 1:12

1. Kaa aap maane hai kie aap ego paapie baate aur Parmeswar se alge hoi gaile hai?

2. Kaa aap bieswaas kare hai kie aapke Jieshu par bieswaas kareke tjaahie aur khalie Okare par bharosa kareke tjaahie, Parmeswar ke paas djaai khaatien?

3. Kaa aap Parmeswar se aapan paap ke tjhamma mangieje, kaahese Okar Betwa Jieshu aapke sadja Apne uppar leis hai?

4. Kaa aap bieswaas kare hai kie Jieshu Apne Parmeswar hai aur U maut mese djienda hoi gail hai?

{{ personName }}, djab aap iesab sawaal par 'haa' djawaab deile hai, tab usab baat Parmeswar se praathna me bataade. Parmeswar djaane hai kie aapke diel me kaa hai.

Aap ab Parmeswar ke dhanbaad dei sake hai kie aapke paap ke tjhamma mielal hai aur aap Jieshu ke balidaan ke khun se safa hoi gaile hai.

5. Ab u samai hai kie aap Parmeswar se bataaw kie aap, aapan djiewan bhar Okar pietjhe maange hai tjale, kaahese Parmeswar Aapan Watjan me bolies hai kie aap ego nawaa iensaan hoi gaile hai. Korinte ke dusra tjietthie 5:16-17

Djab aap Parmeswar se praathna karije, tab aap aise kar sake hai: