Poti yu fesinen :
Tangitangi 'Nen'
….wan boskopu di yu ben wani yere!
Dyaso yu e feni piki tapu den moro prenspari aksi fu a libi. Aksi soleki: 'Fu sanede mi de na grontapu?' Fa a gersi leki mi no abi a freide di mi e si na trawan? Noso: 'A libi disi na ala san de? Dyaso yu e feni piki tapu den aksi disi nanga moro trawan. Kande yu no sabi, ma yu prati nanga Gado, a Wan di meki yu. Na a fasi fa yu de meki yu nanga En prati. A boskopu di wi abi gi yu na wan boskopu fu howpu fu di Gado lobi yu. A e angri fu yu nanga En kon bun baka. A e sori yu a pasi fu kan kon baka na En. A fasi di Gado wani sori yu fu kon baka nanga En sa sorgu taki a prati di yu prati nanga En no de fu têgo.
Yu wani kon sabi fa fu du dati? Yusrefi wani kon sabi fa a firi disi tan?
Yu wani:
- fu kon sabi fu sanede yu de na grontapu?
- fu kon sabi a prisiri nanga a firi taki ala sani bun te yu kisi pardon fu ala sani di yu ben du ini a ten di psa?
- fu kon sabi trutru taki a libi na grontapu abi moro leki san yu prakseri èn abi a dyaranti fu wan têgo libi na heimel?
A sroto: A sroto fu a tori na bribi. Bribi e opo doro gi ala den sani disi nanga furu tra sani.
Na a lobi fu Gado gi 'grontapu', gi sma leki yu….......nanga mi, meki taki Gado sorgu gi wan fasi fu yu kan kon sabi a lobi nanga a freide fu En di yu e kisi te yu meki en bun nanga En. Gado wani taki yu mus abi wan libi fu freide nanga prisiri nanga tra sma èn nanga En, srefi ini tranga ten.
Bika Gado lobi libisma sote, tak' A gi En wan enkri Manpikin fu meki taki ala sma di e bribi ini En, no mus go lasi, ma fu den abi a libi fu têgo.
Wan pisi fu a Bijbel: Yohanes 3:16
Kon sabi san na a prakseri fu Gado: Freide nanga libi
A de a prakseri fu Gado taki dyaso na grontapu yu abi wan bun libi nanga ala san yu abi fanowdu. Ma fa a du kon dan taki furu sma no abi a bun libi disi? Yohanes 10:10
A problema de taki: Wan prati de mindri Gado nanga …..
Sondu tyari wan prati kon mindri yu nanga Gado. Un yere, a anu fu MASRA no syatu fu ferlusu unu, èn den yesi fu En no tapu tak' A no man yere unu. Ma na den kruktudu fu unu e tyari prati mindri unu nanga a Gado fu unu, èn na den sondu fu unu e meki A drai En baka fu A no yere unu. Yesaya 59:1-2 ............, yu gebore nanga wan sondu fasi. A sondu fasi disi bigin na Adam èn a e go fu pikin tapu pikin. Ma yusrefi e sondu tu nanga den sani di yu e besroiti fu du. Na dat' meki wan prati de now mindri yu[di abi fowtu] nanga Gado[di no abi fowtu]
{{ personName }}
Gado
Gado meki libisma fu de leki En fu wi libi makandra nanga En, fu wi gi En grani èn fu wi libi leki mati nanga En. Gado meki wan moi grontapu gi wi fu wi abi prisiri èn fu si fa den sani moi di A meki. A gi wi a okasi fu libi wan bun libi nanga ala sani di wi abi fanowdu.
........Gado no meki robot ma A meki libisani di gersi En èn di abi wan fri wani. Nanga a fri wani dati wi kan teki a besroiti fu lobi En, fu du san A wani èn fu prisiri nanga En èn nanga ala sani di A e gi. Ma a fri wani disi e gi wi a okasi tu fu no du En wani èn fu meki a besroiti fu no lobi Gado. Soso nanga wan fri wani yu kan sabi san a wan taki fu de wan trutru mati èn fu sabi san na trutru lobi. Yu no kan de wan trutru mati èn yu no kan sabi san na trutru lobi efu na dwengi den dwengi yu, leki fa den e du nanga robot. Ma wi abi a okasi fu meki wan besroiti.
A fosi libisma di Gado meki teki a besroiti fu go en eigi pasi. A du di a no du Gado wani wi e kari sondu. Sondu wani taki yu misi a wani fu Gado, bika Gado ben abi wan moro bun prakseri nanga wi. A bakapisi fu a sondu no ben de gi a fosi man, Adam, nanga a fosi uma, Eva, wawan, ma gi ala libisma, fu di a sondufasi prati go doro na ala libisma.
A Bijbel e taki:
A de so taki na wan enkri sma nomo meki sondu kon na grontapu, dan sondu tyari dede kon. Èn fu di ala sma sondu, meki ala sma e dede tu.
Fu di wi misi a wani fu Gado, wi kon prati tu nanga Gado dan so a fasi fa wi ben libi nanga En kon broko. A bakapisi fu en na taki wan prati de di no man meki wi kon krosbei baka na Gado. Wi kan pruberi fu du en:
- tapu kerki fasi noso fu tan du sani nomo tapu wan spesrutu fasi
- fu hori tranga nomo na fa sani mus du
- nanga dipi prakseri
- nanga libisma krakti
- bun wroko
Furu tra fasi de ete. Ma no wan fu den fasi disi o man tyari yu kon krosbei baka na Gado, fu di Gado santa èn fu di A no abi no wan fowtu. Ma wi no de sondro fowtu, awinsi san wi du. Wi no man puru wi eigi sondu, wi no man kenki a sondufasi fa wi de.
A Bijbel e taki: Bika ala sma sondu èn den no abi a fosi glori fu Gado moro. Roma:3:23
Bika a paiman fu sondu na dede. Ma a presenti san Gado gi wi, na a libi fu têgo na ini Kristus Yesus, wi Masra. Roma 6:23
Wan fasi nomo de fu tyari wan lusu gi a problema disi!
A fasi di Gado abi fu tyari wan lusu: na Yesus Kristus
{{ personName }}
Gado
Yesus Kristus
Gado ben sabi taki na Ensrefi ben o abi fu sorgu fu wan fasi fu tyari wan lusu gi a sondu di tyari prati mindri wi nanga En. Fu a lusu disi kon, Gado ben o abi fu kon na wi leki wan libisma, leki En Manpikin, Yesus Kristus. Yesus ben o du san no wan tra sma ben o man du. A libi wan libi sondro fowtu, sondro sondu, di Gado ben wani èn sondro dwengi A teki wi presi nanga a strafu fu wi di wi ben fiti fu kisi: dati na dede.
Ini a fasi fa yu e libi nanga tra sma, yu mus denki leki fa Yesus Kristus ben e denki:
Un mus abi a srefi fasi di Kristus Yesus ben abi. Aladi A ben de leki fa Gado de, A no ben tan hori nomo taki En nanga Gado na a srefi. Ma A poti a fasi fa A ben de na wan sei. A kon de leki fa wan futuboi de, A tron wan libisma. Èn leki libisma A saka Ensrefi. A du san Gado wani te leki A dede srefi: Iya, a dede na a kroisi. Filipi 2:5
Nanga a dede di Yesus dede gi wi sondu, A tyari libisma nanga Gado kon krosbei na makandra baka.
A Bijbel e taki:
Ma Gado e sori wi fa A lobi wi. Bika di wi ben de sondusma ete, Kristus dede ini wi presi. Roma 5:
Yesus taki a srefi sani tapu a fasi disi: “Mi na a pasi, na Mi e sori san na tru, èn na Mi e gi libi. Sondro Mi no wan sma kan kon na a P'pa. Yohanes 14:6
Fu taki tru, dan na Gado srefi kon nanga a lusu fu a problema. Gado tron libisma èn leki a libisma dati, Yesus Kristus, A puru a pratifasi di ben de mindri Gado nanga libisma. Na fu dat' ede A kon na a grontapu disi. A dede wan hogri dede na a kroisi èn A teki a strafu di wi ben mus kisi gi wi sondu. Di A du dati A tyari wan kba kon na a prati di libisma ben prati nanga Gado.
A Bijbel e taki:
Ma Gado e sori wi fa A lobi wi. Bika di wi ben de sondusma ete, Kristus dede ini wi presi. Roma 5:
Pikinso na fesi a taki:
“Mi na a pasi, na Mi e sori san na tru, èn na Mi e gi libi. Sondro Mi no wan sma kan kon na a P'pa. Yohanes 14:6
{{ personName }}
Gado
- Ongoloku
- Prati
- du wan sani di fiti fu kisi strafu
- no man teki besroiti
- no sabi san fu du
- dyugudyugu nanga sorgu
- Prisiri
- libi makandra nanga abi wan banti nanga wan tra sma
- pardon
- Têgo libi
- wan bun libi nanga ala sani di yu abi fanowdu
- freide
Yesus Kristus
……...., leki fa yu e si now, dan alasma di kon gebore na a grontapu disi prati nanga Gado fu sondu ede. .........., yu nanga ala tra sma ben fiti fu kisi strafu èn a krutu dati na fu têgo. Ma Gadu no wani taki dati psa nanga yu noso wan tra sma. A abi pasensi nanga yu, A no wani fu wan sma dede ma taki ibri sma sori taki den e sari fu den sani di den du èn kisi a libi fu têgo. Efu yu e du noti nanga a sani disi, dan a pratifasi fu yu nanga Gado e tan. Gado e langa wan anu gi yu now, yu kan meki a besroiti fu teki a Libi. Gado e gi yu a okasi fu tron En trutru pikin dan En sa de yu P'pa. Yu no e kon bun baka nanga Gado èn yu no e kisi pardon fu sondu fu di yu du wan kerki sani soleki dopu, taki fesi kerki taki yu e bribi èn taki yu wani dini Gado, fu hori yusrefi na kerki wèt noso fu du bun wroko. Efu yu taki tak' yu wani teki Yesus, dan dati wani taki tak' yu wani teki Gado tu, disi na san bribi wani taki èn dati e psa fu di Gado sori yu En bun ati. Noiti yu o man meki wan besroiti di prenspari moro a besroiti disi. Yu e tron wan pikin fu Gado efu yu teki Yesus leki yu Ferlusuman.
A Bijbel e taki:
Ma ala sma di teki En èn di bribi ini En, A gi den dati a leti fu tron pikin fu Gado. Yohanes 1:12
A Bijbel e taigi wi taki yu e feni ferlusu te yu bribi a Bun Nyunsu nanga den tru sani Suma A de nanga den sani di A du ini En libi, a dede fu En nanga a opo baka fu En.
A Bijbel e taki:
Efu yu taki nanga yu mofo taki Yesus na Masra, èn efu yu bribi nanga yu ati dati Gado meki A opo baka na dede, dan Gado o ferlusu yu. Bika na te yu bribi nanga yu ati, dan yu e kon bun ini Gado ai. Èn te yu taki dati nanga yu mofo, dan Gado e ferlusu yu. Roma 10:910
Efu yu du dati dan yu sa kisi pardon fu sondu. Yu kon bun now ini Gado ai fu di yu bribi èn Yesus Kristus meki taki yu kan libi ini freide baka nanga Gado. Dat' meki den e kari disi: 'abi a bribi.' Disi na san a wani taki 'fu poti yu fertrow tapu Yesus.' …..........., disi na wan sani di yusrefi mus du, fu taki tak' yu e bribi a boskopu fu En. Dati na: fu teki Yesus ini yu ati nanga yu libi leki yu Masra nanga Ferlusuman.
….........., sortu besroiti yu o meki?
A Bijbel e taki:
Ma ala sma di teki En èn di bribi ini En, A gi den dati a leti fu tron pikin fu Gado. Yohanes 1:12
…........[Nen]….
1. Yu e bribi taki a de so trutru tak' yu na wan sondusma èn taki yu prati nanga Gado?
2. Yu e bribi taki yu mus abi bribi ini Yesus èn taki yu mus fertrow En wawan fu go na Gado?
3. Yu wani fu aksi Gado fu gi yu pardon fu yu sondu fu di En Manpikin Yesus teki a strafu gi yu?
4. Yu e bribi taki Yesus na Gado srefi èn taki A opo baka na dede?
…......, efu yu piki 'iya' tapu den aksi disi, dan yu mus taigi Gado dati ini wan begi. A sabi san de ini yu ati.
Yu kan taki Gado tangi now taki yu kisi pardon fu yu sondu èn taki yu wasi krin nanga a brudu fu a ofrandi fu Yesus
Now a ten doro fu taigi Gado taki yu wani waka na en baka solanga yu de na libi, fu di A taki ini En Wortu taki yu tron wan nyun libisma. 2Korinte 5:1617